English 
German 
French 
Italian 
Español 
Português 
Polish 
Georgian 
Lithuanian 
Hungarian 
Greek 
Ukranian 
Tge è la parodontitis?
Tras la placca bacteriala resulta in’inflammaziun a l’ur da la schunschiva (gingivitis) che po sa derasar sin l’entira fixaziun dals dents (parodontitis). Tras la paradentosa resultan a l’ur da la schunschiva uschenumnadas tastgas da la schunschiva sco er ina schluccada dals dents che po manar fin ad ina perdita dals dents.
Raschuns da la parodontitis
Il motiv principal per la parodontitis è la placca bacteriala che vegn era numnada sulettamain placca u biofilm. Ultra da quai influenzeschan facturs da ristga enconuschents sco fimar u in diabetes nuncontrollà il svilup d’ina parodontitis.
Consequenzas da la parodontitis
Las consequenzas da la parodontitis èn la perdita da la fixaziun dals dents e la schluccada dals dents fin a la perdita dals dents che pon era chaschunar problems tar il mastgar. Suffrientschas ulteriuras pertutgan la sanadad generala sco era pli savens in nausch flad u problems cun la cumparsa.
Diagnosa da la parodontitis
L’examinaziun en la pratica da dentist è la suletta pussaivladad da laschar giuditgar endretg il stadi da sanadad da la schunschiva. Ultra dal giudicament clinic cun ina sonda da schunschiva ston era radiografias vegnir consultadas per giuditgar las cundiziuns da l’ossa.
Terapia da la parodontitis
Il nettegiament da dents professiunal en la pratica da dentist è l’emprim pass decisiv da la terapia d’ina parodontitis. Medemamain impurtant è d’adattar l’igiena da la bucca a chasa optimala ed ils termins da tractament posteriurs regulars tar l’igienicra da dents.
Prevenziun da la parodontitis
In’igiena da la bucca a chasa optimala, controllas regularas cun in nettegiament da dents professiunal en la pratica da dentist sco er in nutriment saun ed eventualmain in stop da fimar èn la meglra prevenziun da la parodontitis.
Autotest
Sa mussan tar Vus eventualmain segns d’ina parodontitis? Faschai qua l’autotest.
Dumondas frequentas
Dumondas frequentas davart la parodontitis e nossas respostas.